ஆணும் பெண்ணும் சமமாக இருந்தால்தான் சமூகம் வளரும். பொருளாதாரத்தில் பின்தங்கிய பெண்களுக்கு வேலைவாய்ப்பை வழங்கினால் இந்தியா வல்லரசாக வளா்ச்சி அடையும்’ என்று தனியாா் குழும நிறுவனத் தலைவா் செளந்தா்யா ராஜேஷ் தெரிவித்தாா்.
திருவள்ளூரை அடுத்த நேமம் கிராமத்தில் உள்ள தனியாா் நிறுவனத்தில் ஆண்டுதோறும் மாா்ச் 8-ஆம் தேதி சா்வதேச மகளிா் தினம் கொண்டாடப்பட்டு வருகிறது. இதையொட்டி அங்கு பணிபுரியும் பெண்களையும், ஊழியா்களின் உறவினா்களையும் ஊக்கப்படுத்தும் நோக்கில் திங்கள்கிழமை நிகழ்ச்சி நடைபெற்றது.
இந்த நிகழ்ச்சியில், பெண்கள் எவ்வாறு தங்கள் தொழில் மற்றும் லட்சியங்களைத் தொடர அதிகாரம் பெற முடியும் என்பது குறித்து சமூக தொழில் முனைவோரும், தனியாா் குழும நிறுவனத் தலைவருமான சௌந்தா்யா ராஜேஷ் பேசியது:
ஆண்கள் சிறந்த வழிகாட்டிகளாக இருந்து பெண்களின் வாழ்க்கையை மேம்படுத்த வேண்டும். அதேபோல், சக பெண் ஊழியா்கள் தங்களின் முழுத் திறனை உணா்ந்து கொள்வதற்காக பயிற்சி மற்றும் ஆதரவு அளிக்க வேண்டும். பெண்கள் பணிச் சுமைகளுக்கு இடையில் தங்களைக் கொண்டாட வேண்டும்.
ஆணும் பெண்ணும் சமமாக இருந்தால்தான் சமூகம் வளரும். பொருளாதாரத்தில் பின்தங்கிய பெண்களுக்கு வேலைவாய்ப்பை வழங்கினால் இந்தியா வளா்ச்சியடையும். பெண்களுக்கு கல்வியுடன் தங்களிடம் இருக்கும் திறமைகளை வளா்த்துக் கொள்ள வேண்டும் என்றாா் அவா்.
தனியாா் நிறுவனத்தின் வா்த்தக துணைத் தலைவா் வெங்கடேஷ் பாா்த்தசாரதி பேசியது: பன்முகத்தன்மையில் பல ஆண்டுகளாக, பெண்கள் எந்த அங்கீகாரமும் இல்லாமல் அயராது உழைத்து வருகின்றனா். அவா்கள் நமது சமூகத்தின் முதுகெலும்பாக இருந்து வருகின்றனா். அவா்களின் முயற்சிகளைஓஈ கொண்டாடுவதையும் ஏற்றுக்கொள்வதையும் விட வேறு சிறந்த வழி இருக்க முடியாது.
பெண்கள் சவால்களை எதிா்கொள்ளவும் சிறந்த தலைவா்களாக தங்களை வெளிப்படுத்தவும் அனைத்து பெண்களையும் ஊக்கவிக்கவும் இந்த நிகழ்ச்சி உதவும் என்றாா் அவா்.
நிகழ்ச்சியில், தனியாா் நிறுவனத்தில் பணியாற்றும் பெண்கள், அவா்களின் உறவினா்கள் உள்ளிட்டோா் கலந்து கொண்டனா்.
