பிரபல ஹாலிவுட் நடிகரான டாம் ஹங்ஸ் தனக்கு கொரோனா இருப்பதை உறுதிப்படுத்தி உள்ளார். இது தொடர்பாக அவர் வெளியிட்டுள்ள அறிக்கையில், எனது மனைவி ரீட்டாவும் நானும் பட தயாரிப்பு பணிகளுக்காக ஆஸ்திரேலியா சென்றிருந்தோம். அங்கு சென்றதும் எனக்கு லேசான உடல் சோர்வு, சளி தொல்லை இருந்தது. அதேபோல் எனது மனைவிக்கும் காய்ச்சல் ஏற்பட்டது. இதையடுத்து நாங்கள் இருவரும் மருத்துவ பரிசோதனை செய்ததில் எங்களுக்கு கொரோனா வைரஸ் இருப்பது கண்டறியப்பட்டது. தற்போது மருத்துவர்களின் தீவிர கண்காணிப்பில் உள்ளோம் என பதிவிட்டுள்ளார். இவர் பாரஸ்ட் கம்ப் மற்றும் பிலாடெல்பியா ஆகிய இரு படங்களுக்காக சிறந்த நடிகருக்கான ஆஸ்கார் விருதை வென்றுள்ளது குறிப்பிடத்தக்கது.
